قهوة جيزانيّة مع V60، نكهة سعوديّة من جبال الجنوب.
لو إنك من عشاق القهوة المختصّة، فأكيد سمعت عن البُنّ الجيزاني، خصوصًا اللي يَجي من مناطق زي فيفا والداير وبني مالك في جنوب المملكة. هذا البُنّ صار له مكانة كبيرة بين أفضل أنواع القهوة في العالم، وناس كثير بدؤوا يفضّلونه مع طرق التقطير اليدوي زي V60.
اللي يميّز البُنّ الجيزاني إنّه يَنزرع في مناطق مرتفعة جدًا، توصّل أحيانًا لأكثر من ١٨٠٠ متر عن سطح البحر. التُربة هناك بركانيّة، والمناخ معتدل، وهذا يخلي نكهة البُنّ غنيّة ومتوازنة. من ناحيّة الطعم، فيها إيحاءات فواكه حِمضيّة خفيفة، ولمسة شوكولاتة، وأحيانًا رائحة تُرابيّة ناعمة، بدون ما يكون مرّ أو ثقيل.
تحضير القهوة بطريقة V60 يُعتبر مثالي مع البُنّ الجيزاني، لأنه يسمح للنَكهات الطبيعيّة إنها تطلع بشكل تدريجي. أهم شي تختار تحميص خفيف أو متوسّط، وتستخدم طَحنة ناعمة متوسّطة، وتنتبه لكميّة المويه، مثلاً تخلّي النسبة بين البُن والمويه تكون ١ إلى ١٥ أو ١ إلى ١٦. وبرضو، جرّب تخلّي القهوة تبرد شويّه قبل ما تذوقها، لأن النكهة الحقيقية تبان لما تكون حرارتها معتدلة.
الناس اللي جرّبوا البُنّ الجيزاني مع V60 لاحظوا فرق واضح في الطعم، وقالوا إنه أنظف، وأغنى، وأخف على المعدة من البُنّ التجاري اللي غالبًا يكون طعمه محروق أو ثقيل.
الحلو كمان إن البُنّ الجيزاني صار متوفر في بعض المحامص السعوديّة المختصّة، وفيه مشاريع محليّة تهتم بكل التفاصيل من الزراعة إلى التحميص، زي دِرِيب جيزاني، اللي يقدّمو القهوة بشكل احترافي وبجودة عالية.
وفي النهاية، لو كنت من الناس اللي تدور على نكهة قهوة نظيفة، متوازنة، ومليانة تفاصيل، جرّب البُنّ الجيزاني مع V60، وعيش التجربة بطابع سعودي أصيل.
ترجمة وتحرير: مروة اليافعي